1
0
पुणे: अक्कलकोट निवासी वटवृक्ष श्री स्वामी समर्थ महाराजांना श्री दत्तात्रेयाचे चौथे अवतार मानलं जातं. त्यामुळे अक्कलकोटमध्ये श्री स्वामी समर्थ दर्शनाला खास महत्व आहे. दरवर्षीप्रमाणे याही वर्षी श्री स्वामी समर्थ प्रकट दिन महाराष्ट्रभर तसेच श्री स्वामी समर्थ यांची जयंती महोत्सव साजरा मोठ्या दिमाखात साजरा झाला. एरंडवणे भागातील पूरग्रस्त वसाहत येथे श्री स्वामी समर्थ प्रकट दिनाचे औचित्य साधून श्री स्वामी समर्थ सेवा प्रतिष्टान तर्फे स्वामींच्या “प्रेरणा मंदिर” चा जीर्णोद्धार सोहळा मोठ्या थाटात संपन्न झाला. दोन दिवस झालेल्या सोहळ्यात संपूर्ण परिसर भक्तीमय झालेलं पहायला मिळाले.
“प्रेरणा मंदिर” या स्वामींच्या मंदिराच्या जीर्णोद्धार सोहळ्याला दिनांक २ एप्रिल रोजी सकाळी ८ वाजता महाराष्ट्र राज्याच्या राज्यमंत्री श्रीमती माधुरीताई मिसाळ यांच्या हस्ते श्री स्वामींच्या मूर्तीला अभिषेक करून सुरुवात झाली. दिवसभर भजनी मंडळाने अतिशय सुंदर असे भजन गायले. दुसऱ्यादिवशी त्या नंतर श्रींच्या मूर्ती व कळसाचे पूजन करून श्री स्वामींची पालखी काढण्यात आली. पूजन, होमहवन व मूर्ती स्थापना प्रतिष्ठापना झाल्यानंतर राज्याचे उच्च व तंत्र शिक्षण मंत्री, आमदार मा.ना.श्री. चंद्रकांत दादा पाटील यांच्या शुभहस्ते महाआरती झाली त्यानंतर महाप्रसाद व भजनाचा कार्यक्रम संपन्न झाला. या सोहळ्यात शास्त्र शुद्ध मंत्र पठण होमहवनसाठी श्री.मंदार खळदकर गुरुजी सह एकूण आठ ब्राम्हण हजर होते. मंदीर दर्शनाला खुले केल्यावर दर्शनाला व महाप्रसादासाठी स्वामीभक्तांनी मोठ्या संख्येने रांग लागली होती. वेळी टाळ मृदुंग गजरात अंभग भजनात तल्लीन भक्त, ज्येष्ठ नागरिक, महिला, युवक, युवती,लहान मुले आदी सहभागी झाले होते.
प्रसिद्ध लँडस्केप डिझायनर व वास्तुविशारद श्री.महेश नामपूरकर, पिनॅकल ग्रुपचे श्री. गजेंद्र पवार, बांधकाम व्यावसायिक श्री. गिरीश दरोडे, CA असोसिएशनचे अध्यक्ष श्री. सर्वेश जोशी यांनी या श्री स्वामींच्या प्रेरणा मंदिराचे स्व खर्चातून बांधकाम करून या भागातील नागरिकांना करून दिले आहे. तसेच प्रेरणा मंदिराचे डिझाईन ही नुकत्याच इटलीमधील कोमो येथे डिझाइन क्षेत्रातील अत्यंत मानाचा असलेला ‘ए डिझाइन अॅवॉर्ड’ने सन्मानित करण्यात आलेले लँडस्केप डिझायनर व वास्तुविशारद श्री.महेश नामपूरकर, पिनॅकल ग्रुपचे श्री. गजेंद्र पवार यांनी केलेलं आहे.
पुण्यातील ‘सूसमध्ये असलेल्या ‘सनीज वर्ल्ड’ येथे श्री. महेश नामपूरकर यांनी कल्पक लँडस्केपिंगद्वारे पडीक दगडखाणीचे रुपांतर उत्तम अशा ‘ट्रॉपिकल लीजर डेस्टिनेशन’मध्ये केले आहे आणि वापी येथील ‘अवध हेलिकोनिया’ या प्रकल्पांसाठी त्यांना ए डिझाइन अॅवॉर्ड अँड काँपिटिशन’ स्पर्धेत विविध क्षेत्रांमधील उपयुक्त व नावीन्यपूर्ण डिझाइन्सचा या स्पर्धेत कांस्य पदक प्रदान करण्यात आले आहे. सदर स्पर्धेमध्ये २२ देशांमधील परीक्षकांनी ३५०० स्पर्धकांमधून विजेत्यांची निवड केली. प्रेरणा मंदिराची उभारणी करणाऱ्या श्री.महेश नामपूरकर, श्री.गजेंद्र पवार, श्री.गिरीश दरोडे, श्री. सर्वेश जोशी यांनी कोणतीही प्रसिद्धी मानपान न स्वीकारता केलेल्या या निस्वार्थ सेवेची चर्चा या सोहळ्यात ऐकायला मिळाली. तसेच लाईट व्यवस्था दादा रणपिसे, साऊंड व माईक व्यवस्था साळुंखे बंधू, महाप्रसाद बनविणारे आचारी,मंडप व्यवस्था, पूजा करणारे गुरुजी, आदींचे श्री. सर्वेश जोशी यांच्या हस्ते सत्कार करून आभार मानण्यात आले.
भव्य दिव्य अश्या या प्रेरणा मंदिराच्या जीर्णोद्धार सोहळ्यास उच्च व तंत्र शिक्षण मंत्री श्री. चंद्रकांत पाटील, राज्यमंत्री श्रीमती माधुरी मिसाळ, गुरुवर्य दादा ठोंबरे, नगरसेवक श्री.दिपक पोटे, श्री.जयंत भावे, सौ.मंजुश्री खर्डेकर, भाजपा प्रवक्ते श्री. संदीप खर्डेकर, कोथरूड मंडल अध्यक्ष डॉ.संदीप बुटाला, प्रेरणा मंदिर अध्यक्ष श्री. दर्शन अशोक पोटे, युवा नेतृत्व श्री. अजय कंधारे, मंदिराचे बांधकाम पाहणारे श्री.अक्षय पाटील, श्री. ऋषिकेश शेडगे, वैभव पानगावकर, तेजस वाशिवले, मधुकर काळे, पंकज गोरखे,राहुल जाधव, एकनाथ साठे, अमोल डांगे,माने काका, दशरथ पिसे,चैतन्य पोटे, भारती पानगावकर, वैशाली पोटे, नमिता पोटे, श्रद्धा पानगावकर, पूनम जाधव,शुभम काळे, अजिंक्य पोटे,आणि मोठ्या संख्येने स्वामीभक्तांनी उपस्थित राहून कार्यक्रमाची शोभा वाढवली.
