0
0
पुणे, २३ डिसेंबर: श्री-विष्णूकृपा सभागृहात चि. निहार (सौ. राधिका व श्री. रविंद्र शिंगणापुरकर यांचे सुपुत्र) आणि चि.सौ.का. श्रुती (सौ. निशा व श्री. विनायक शिधये यांची कन्या) यांचा विवाह उत्साहात आणि सामाजिक बांधिलकीच्या भावनेत संपन्न झाला. या मंगल प्रसंगी राष्ट्रीय स्वयंसेवक संघाचे सरसंघचालक डॉ. मोहन भागवत यांची उपस्थिती लाभली, ज्यामुळे या सोहळ्याला एक विशेष महत्त्व प्राप्त झाले.
विवाह सोहळ्यात विविध मान्यवर सहभागी झाले होते. त्यांनी नवदांपत्याला शुभाशीर्वाद देत त्यांच्या उज्ज्वल भविष्याची कामना केली. या प्रसंगी दोन्ही कुटुंबीयांनी सामाजिक बांधिलकीचे दर्शन घडवत चार सेवाभावी संस्थांना प्रत्येकी ५१,००० रुपयांचा मंगल निधी प्रदान केला.
मंगल निधी प्राप्त सेवाभावी संस्था:
1. सेवा आरोग्य फाउंडेशन – संभाजी नगरातील ४२ वस्त्यांमध्ये ७८ उपक्रमांद्वारे कार्यरत.
2. अखिल भारतीय विद्यार्थी परिषद – विद्यार्थ्यांच्या सर्वांगीण विकासासाठी कार्यरत संस्था.
3. स्वानंद जनकल्याण संस्था – समाजहितासाठी विविध उपक्रम राबवणारी संस्था.
4. भारतीय संस्कृती संवर्धक संस्था – भारतीय संस्कृती जपणारी व संवर्धन करणारी संस्था.
सेवा आरोग्य फाउंडेशन ही विशेषतः आरोग्य, शिक्षण व सामाजिक विकास क्षेत्रात उल्लेखनीय कार्य करणारी संस्था आहे. या मंगल निधीद्वारे दोन्ही कुटुंबीयांनी समाजाप्रती असलेली आपली बांधिलकी अधोरेखित केली.
निहार आणि श्रुती यांच्या वैवाहिक जीवनासाठी सर्व उपस्थितांनी मनःपूर्वक शुभेच्छा दिल्या. या विवाह सोहळ्याने सेवा आणि सामाजिक बांधिलकीचा एक आदर्श घालून दिला आहे.
